06 年果時無睇, 而家重演簡直不能錯過
因為演員陣容實在太吸引喇
盧智燊 - 當年仲讀緊中學時中英黎做 school tour, 果時已經知有佢會好好笑
林澤群 - 純粹因為未睇過佢演出, 睇佢導演o既多
袁富華 - "人間有情" 電影版佢o既演出好精彩, 但未睇過佢做話劇
盧俊豪 - 只睇過佢做 "人間有情" 電影版同佢導演o既 "喝彩", 但未睇過佢做話劇
蘇芯寶 - 泰藉演員, o係個戲以講泰文為主 (唔係歧視, 我覺得泰文講起上黎係幾搞笑)
當然亦因為之前兩年已經睇過報導, 好評如潮
於是一知道重演朋友就仆到去買飛
成個戲一開始已經笑不停
King Sir 聲演沙展同個泰藉女演員講泰文
陸雲廷(盧智燊)o係麥當勞擺解穢酒, 泰傭 ar 娜 (Sompor) 跳安息舞
陸雲廷間茂利假髮公司資不抵債, 但發現佢姑媽死前中左六合彩頭獎
camp 爆新仔寬頻師傅 (吳家良) 駁唔到線又狂試屋入面o既假髮, 不停答 5 分鐘會搞掂
賈時真 (林澤群, 陸雲廷朋友) 扮 ar 婆去呃執達吏 (袁富華), 執達吏見到佢就嘔
死鬼姑媽個姊妹李水仙 (趙月明) 唱住大戲黎拜祭, 唱下又暈下
好多櫃桶會彈出黎, 又有好多個演員出入口
特別係做寬頻師傅o既吳家良,
拿場刊再睇先知佢原來係o係 “喝彩” 又扮學生妹, 又扮 ar 婆, 又扮唱片公司老闆果個
好厲害 !
陸雲廷以為執達吏係馬會經理, 於是修左張彩票佢
執達吏收左張彩票, 但差唔多夠鐘要拿派彩
寬頻師傅裝唔到寬頻電話, 不停答 5 分鐘會搞掂其實整左個幾兩個鐘
整鈴聲時又跟住葉玉卿隻歌跳舞
陸雲廷扮鬼扮馬呃執達吏, 又搵李水仙扮姑媽見馬會派彩經理 (盧俊豪)
搞到有陸雲吞陸水餃同陸魚蛋 lee 幾個堂兄弟
又搵賈時真扮賈(假)醫生, 再用唱大戲o既方法講台詞
然後又扮自己死左, 去扮神檯張相, 夾埋 ar 娜同賈時真扮鬼嚇執達吏 (lee 個最好笑)
結局係有人報警投訴噪音, 但沙展收到電話話陸雲廷拿到諾貝爾和平獎
因為佢批浮左o係以色列公海o既假髮令以巴和平 (哈哈, lee 個好牽強但幾好笑)
於是呃馬會同執達吏o既罪名只需做 5 分鐘服務令
佢拿到彩金亦發財立品去做慈善
仲變成國際人物, 同好多國家o既領導人會面
雖然係喜劇又係重演, 但睇得出佢地好有心機做
入面提及好多 update o既新聞
首演唔係由群仔同吳家良做, 但佢地做得好好
多番 d 駐團演員仲好 (盧智燊已經轉左去劇場工作室)
